Kei tēnei Whārangi
Tirohanga whānui
E herea ana ngā tari kāwanatanga, tae atu ki Te Tāhuhu o te Mātauranga, e te Public Service Act 2020 (te Ture), ki te whakaputa i ngā pānui whakaaro pae tawhiti e aro ana ki te anamata ia te toru tau. Me mātua whakawhiti kōrero mātou mō te kaupapa i mua i te tuhi i te pānui.
He herenga ā-ture mā ngā umanga ngā pānui whakaaro pae tawhiti, he motuhake i ngā Minita te whakawhanake mai i ēnei, ā, ehara i te kaupapa here kāwanatanga o nāianei, kāore hoki i te pā ki ngā kaupapa kāwanatanga o nāianei.
Tā mātou kaupapa
Kei te hiahia mātou ki te tūhura i ngā ara ka taea e te pūnaha mātauranga (ngā pūnaha ā-kōhungahunga, ā-kura, ā-mātauranga matua hoki) te noho pīngore, te noho urutau, te noho whaitake hoki ki te taupori kanorau ka whakaratohia ai hei te 10 ki te 20 tau mā te whakatinana i te pito mata e tukuna ana e ngā huringa hangarau mō te akoranga he nui ake te whakawhaiarotia, te āta whakahāngaitia hoki.
Mai rā anō ko te hangarau tētahi mea kōkiri i te huringa o te rāngai mātauranga, mai i te whakaurunga mai o te perehi tā ki te piki haere o te akoranga ā-ipurangi. Ka noho tonu te hangarau matihiko hei whakaaweawe nui ki te pūnaha mātauranga, ki te akoranga anō hoki. Ka tukuna mai ngā ara wātea puta noa i te pūnaha mātauranga.
Mā ngā pānga o te hangarau matihiko, ahakoa pai mai, ahakoa kino mai, e whakarite kia whakaaroaro anō pea mātou ki te āhua o tā mātou tuku i te mātauranga. He mea āwhina ngā pānui whakaaro pae tawhiti kia whakaaro ake tātou ki te anamata, nā reira e hiahia ana mātou kia tiro ake koe ki tua atu i ngā āhuatanga o tēnei wā, me te whakaaro ake ki ngā ara kia tino whiwhi tā tātou pūnaha mātauranga i ngā hua ka puta i ngā ara wātea ka tukuna e te hangarau hei te 10 ki te 20 tau e tū mai nei.
Tē taea e ngā hangarau matihiko te whakakapi i ngā waehanga ā-tangata o te mātauranga. Atu i ngā whānau, ka noho tonu ko ngā kaiako, ko ngā kaiārahi hoki hei whakaaweawe tino nui ki ngā ākonga. Ka noho waiwai tonu te mātauranga ā-tūāpapa. He taputapu ngā hangarau matihiko, ā, kāore ngā raru o te pūnaha mātauranga e tau mā aua taputapu anake.
Te tino whai i ngā hua o te hangarau matihiko i te mātauranga
He whānui tēnei kaupapa. Mā ngā hangarau matihiko hou pea e tino whakapiki i te tomonga o ngā ākonga ki te akoranga, e huri ngā wāhi ka tū mai te akoranga, e huri te āhua o te tuku i te akoranga, e whakarākei i te wāhi kei ngā kaiako. Mā ngā hangarau matihiko pea e tautoko te huringa kia noho tononoa te mātauranga, e tūhono i ngā tāngata ki te akoranga i te roanga o ō rātou nā ao, e tautoko te whaitake o te pūnaha mātauranga me tōna whaitake ki te whakatutuki i ngā hiahia o ngā ākonga katoa i te ao hurihuri anō hoki.
E hiahia ana mātou ki ō whakaaro mō ngā ara wātea whāiti, mō ngā take whāiti hoki e hāngai ana ki te whakamahi i te hangarau mō te akoranga ka whakawhaiarotia, mō te akoranga ka āta whakahāngaitia hoki hei te 10 ki te 20 tau e tū mai nei.
Ka taea e koe te pānui i te roanga atu o te tuhinga whakawhitiwhiti kōrero i konei:
Consultation documentConsultation document (te reo Māori)
SnapshotKa ahatia ā muri ake
Ka whai whakaaro mātou ki ngā kōrero whakahoki katoa me te whakamahi i tērā ki te whakamōhio i tā mātou whakawhanake i tētahi pānui whakaaro pae-tawhiti hukihuki e whakawhitiwhiti kōrero tūmatanui ai i te tīmatanga o te tau 2025.
Mēnā he pātai āu mō tēnei whakawhitiwhiti kōrero, īmēra mai ki a mātou ki [email protected]
